اصحى بقة وفوق واعرف أصول الكلام اللى بتتكلمه ايه

اصحى بقة وفوق واعرف أصول الكلام اللى بتتكلمه ايه !!

ونبدأ بكلمة مشهوره جدا ومشهور تفسيرها الخاطىء كشهرة الكلمة

وهى كلمة

@@ باشا

كل الناس يتقولك يا باشا وانت علشان فهمه غلط بترد وتقوله

انت اللى باشا وابن باشا ( وتقصد طبعا المعنى اللى انته عرفه )

مشهور ان باشا يعنى حذاء السلطان ( جزمته يعنى ) وهذا خطأ وإنما باشا تعنى .........................

.

.
.
.
.
.
.
.
.
.
.
.
.
.
.
.
..

.
عاوز تعرف

صلى على النبى الأول عشر مرات

عشر مرااااااات

عد صح

كدا عشرة

ماشى يا بااااااااااااااشا

باشا بقى يا سيدى

كلمة تركية الأصل تعنى رئيس فيقال باشكاتب أى رئيس الكتبة .......!!!

باشمهندس أى رئيس المهندسين وهكذا................... عرفت أصلها

ماشى ياباشا.

# حدق : ( واد حدق ) أصلها فى اللغة العربية ( حاذق )

# فتك أصلها فى اللغة العربية( فتاك )

# اللضا Sad

محلتوش اللضا) كلمة فرعونية معناها الرزق

# أروبة Sad

انته ولد أروبة) جاءت من كلمة إرِب بتشديد الراء وهى لغة عربية بمعنى الدهاء

# هجاص : ( ولد هجاص) قيلت بدلا من هاجس أى الوسوسة ..أى أوعى تشغل بالك بما يقول الهجاص فهو بيهجص

# أونطة وأونطجى .: كلمة تركية الأصل وتطلق على من لاينطق بالحق

اصحى بقة وفوق واعرف أصول الكلام اللى بتتكلمه ايه Din2pe7

اصحى بقة وفوق واعرف أصول الكلام اللى بتتكلمه ايه Din2pe7

@ بزرميط : جاءت من كلمة pizzar وهى كلمة فرنسية الأصل بمعنى غير متناسق فتحولت إلى بزرميط لتدل على نفس المعنى

اصحى بقة وفوق واعرف أصول الكلام اللى بتتكلمه ايه Mod149as

@ يالهوى : هى تبسيط لكلمة يا لهف قلبى

@ طظ : هى كلمة تركية معناها (ملح) ولكنها أصبحت مصر للتعبير عن الإستهزاء مثل كلمة ( فلفل وشطة ) للتعبير عن الكيد لشخص ما

@ أزعرينه: (عامل أزعرينه) .أصلها لبنانى (أزعر) بمعنى خفيف الدم

@ تباته وتبت : تحوير لكلمة (ثابت ) فى اللغة العربية

@ شمروخ : وهو من شمر عن أكمامه وأصلها عربى

@ مدعوق: جاءت من كلمة (المدعو فلان) وهى كلمة تدل على عدم الإحترام للشخص المقصود بسبب عدم البدء باسمه

@ ألابندا (انته عامله ألابندا فى المنتدى ده) هى كلمة فرنسية معناها الفرقة فأصبحت تستخدم لتعبر عن الصخب والضجة

$ غلس : جاءت من غلس بمعنى ظلمة آخر الليل وأصبحنا نقول واد غلس ويغلس ودى غلاسة

$ أخبارك ايه الوقتى تقول (ألسطة) إلا صحيح يعنى ايه ألسطة

$ألسطة

كلمة انجليزيةالأصل وتنطق ALLSET

بمعنى كله تمام واستخدمها البحارة للتعبير عن سير الأحوال على ما يرام مثل ( ألسطة اللنش )

اصحى بقة وفوق واعرف أصول الكلام اللى بتتكلمه ايه Mod149as

فطرت ايه النهاردة ( طبعا فول مدمس ) لحمة المصريين

فول وعرفناها طيب مدمس يعنى ايه

$ مدمس
كلمة فرعونية تعنى الفول المطهو فى الفرن

وللعلم قد عثر على الفول فى مدافن الأسرة الخامسة الفرعونية

$ حكمدار

كلمة تركية الأصل تعنى حاكم الدار

اصحى بقة وفوق واعرف أصول الكلام اللى بتتكلمه ايه Din2pe7

# حار ونار

( تقول لصاحبك حار ونار فيك)

معناها فى اللغة العربية أى حرق بالنار

$ عفارم

كلمة تركية الأصل وتعنى الإستحسان

& أوضة

كلمة فرعونية وتعنى باللغة العربية غرفة

& مجانص

جاءت مجنص Magnus باللاتينى

وتعنى ( ضخم ) وجعلناه احنا مجانص للتعبير عن الضخامة

@ زرزور

(انت زرزور كدا ليه) زرزور دا اسم بيطلق فى الروايات الإنسانية على أى شخصية فكاهية سواء سينمائية أو مسرحية أو اذاعية

ومن الطريف انه اسم طائر أوربى يزور مصر شتاء فى

جماعات كبيرة ريشه أسود له بريق أخضر وأزرق وبنفسجى منقاره طويل ويفتك بالحشرات

اصحى بقة وفوق واعرف أصول الكلام اللى بتتكلمه ايه Mod149as

# بؤجة

وهى مأخوذه من الكلمة الإنجليزية Bag بمعنى شنطة

@ برضه

وهى فى اللغة القبطية تعنى (أيضا )

$ منشكح

( انت منشكح كدا ليه ) أصلها منشرح الصدر أى متكيف من الوضع القائم

@ مما / أمبو / واوه / كخه / بعبع / بخ / تاتا

هذه الكلمات التى تقال فى كل مكان

وهى كلها كلمات تستعمل مع الأطفال فى بداية تعلم الكلام وهى كلمات فرعونية الأصل وتؤدى إلى نفس

المعنى المراد الذى تريد أن توصله للطفل

اصحى بقة وفوق واعرف أصول الكلام اللى بتتكلمه ايه Mod149as

# يتوغوش : (أمك تقولك وغوشتنى عليك يابنى) أصلها العربى يتوجس خيفة أى يقلق ومع الدلع اللغوى بتاعنه اتقلبت بقدرة قادر متوغوش عليه

@ فشار: هى كلمة لبنانية الأصل معناها شيئ غير محتمل حدوثه ثم ابتدعنا منها يفشر فشر فشار

@ يا حستى : وهى مأخوذة من كلمة (يا خشيتى)

وبردة بقدرة قادر اتحولت ليا حستى وحوسة ومحتاس

@@ التالتة تابتة

بتقولها كتير أوى صح بس مش

عارف معناها عاوز تعرف معناها

أكيد طبعا

طيب صلى على النبى الأول عشر مرات وأنا أقولك معناها

شكلك ما صلتش

ماشى صليت

التالتة تابتة دى بقى يا سيدى حكاية انجليزية تسمع فاضى يعنى طيب اسمع

فى الحرب العالمية التانية (فاكره خدناها باين فى ...........فى ايه ؟؟مش فاكر !!!!!

المهم ماعلينا ( ودى أحلى فلسفة فى الدنيا !!!!)

فى الحرب دى بأة ياسيدى صدر أمر عسكرى بأن من يشعل سيجارة لا يشعل للتاني ولاالتالت ليه ياجماعة دا

(السجاير مفيدة جدا للصحة !!!!! )

[size=21]قالوا لأنه لو أشعل الأول ..للتانى..ثم التالت أصبح مكانهم معروف للعدو وأصبح طلقات العدو موجهة لهم

ولأصابت الطلقة الثالث وذلك فى حالة إصابة الهدف للأول فإن خفقت الطلقة الأول

فمن المحتمل النجاح فى التصويب فى الطلقة الثانية

فإن لم يحدث ذلك فمن المؤكد أنها ستنجح فى إصابة الثالث ومن هنا تصبح التالتة تابتة

عرفت بقى يا سيدى أصل الحكاية

اصحى بقة وفوق واعرف أصول الكلام اللى بتتكلمه ايه Din2pe7

اصحى بقة وفوق واعرف أصول الكلام اللى بتتكلمه ايه M0d189zv

العاميه بمصر

نيس توبيك محمود وكلمات بجد عرفنه معناها ايه
منتظرين المزيد

dodo20204 كتب:: نيس توبيك محمود وكلمات بجد عرفنه معناها ايه
منتظرين المزيد

اى خدمه يا دكتورة ويارب الموضوع يكون عجبك

هههههههههههههه

والله موضوع كويس وحلو خالص

تسلم اخي ربنا يبارك فيك

عجبتني اوي بزرميط دي ههههههه ولا التاتة تابتة بتاعت الحرب العالمية الثانية هو احنا اخدناها في صحيح ؟؟؟؟؟؟؟؟؟؟انا فكرة طبعا التاريخ !!! بس في سنة كااااام ؟؟؟؟؟ الله اعلم ههههههه

جزاك الله خيرا اخي

شكرا اختى محبة على مرورك الجميل