لغة الشباب جامد ادخلوا يا بنات بسرعة

بسم الله الرحمن الرحيم

السلام عليكم ورحمة الله وبركاته

انا بقى جايبالكوا النهاردة حتة موضوع

يارب يعجبكوا (ومستنيا ردود البنات)

هو مش في لغه للبنات دي كمان لغة الشباب

كلمات حب!!!

كلمات حب بيقولها الرجل للمرأة
فهل ياترى هي كل ما عنده والا هو بيقول نص اللي في قلبه
والنص التاني بيخليه في سره؟؟

انافى بعادك ما بنمش طول اليل
(بس بنام شويه العصر)
-
ياريت فيه كلمه تعبر ع اللى انا حاسس به غير بحبك
(لانى فى الحقيقه مبحبكيش)
-
اول مره اقول كلمه بحبك لواحده
(وتصدقنى ودا لانك هبله طبعا)
-
انتى كنتى اجمل واحده فى الحفله امبارح
(بس ابقى اعملى عمليه تجميل فى ودانك ومناخيرك وبقك)
-
حنتجوز طبعا يا حبيبتى بس ادينى فرصه 6 شهور
(وبعدها مش هتشوفى وشى)
-
باحس دايما انى مسئول عنك
(فى الحاجات اللى متكلفش فلوس)
-
بتبقى حلوة اوى وانتى بتبكى
(بس فاهم دموعك كويس ومش هتجوزك)
-
انا مستاهلكيش
(وهتكتشفى بعدين الحقيقه دى بنفسك)
-
ازاى كنت عايش من غيرك قبل كده
(اكيد احسن من دلوقتى وع العموم قربت ارجع اعيش من غيرك تانى)
-
طول الليل بحلم بيكى
(اللهم احفظنا من الكوابيس)
-
كلمه منك واقاطع كل الناس
(الا ميمى وسوسو وتوتو و .....)
-
ماالقمر الا انعكاس لوجهك حبيبتي
( في الليالي المظلمة )
-
لما اشوفك يروح مني الكلام وانساه
( من الصدمة )
-
عنيكي احلى مافيكي
(لما تلبسي نظارة الشمس)
-
شفايفك زي الفراولة
( بتاعت الصوبات )
-
تتجوزيني ياحبيبتي
( يارب تقول لا )

ديه كلمات (بعض) الرجال و ليس كلهم لكن حبيت انصح البنات

حتي لا يندمن بعد فوات الأوان

وطبعا دا كله بيحصل

وكشفنا سركم cheers

[center][b]

ههههههههههههههههههههه طبعا بنضحك عليكو اضحكو على نفسيكم هههههههههههههههه

هههههههههههههههههههههههههههههه

هاها هوهو هى هى

هعيط من كتر الضحك
المووووضووووووووع قديــــــــــم اوى قولي جديد

الظاهر ان الموضوع جه غلط ولا غلط ولا حاجة

انتو بتضحكو على نفسكم

بعد الآن ممنوع المعاكسات ممنوع الكلام مع البنات لأنو هتعرضوا نفسكم للخطر بعد ما فضحت أمركم وعرفنا نيتكم

ماشي ولا

أنا عايزة أعرف البنات راحوا فين

وأنا هاوريكم يا أخ محمود والحاج محمد والأخ inish[center]

على فكره البنات بيبقوا عارفين ان الولاد بيضحكوا عليهم بس هما اللى عاجبهم الكلام ده مع ان كل مره تكلم واد شكل ويقولها الكلمتين دول وبرضه بتصدق هما اللى عايزين كده وراضيين بكده .....احنا الولاد تحت امركم فى كل حاجه

عايزين تتضحكوا هانتضحكوا

عايزين تبكوا ....هانبكيكوا

اللى انتم عايزينوا هانعملوا

اى خدمه

اه غلط
طويب

ايه البنات راحو فين ماتو والا ايه لا حول ولا قوة الا بالله طيب مش كنتو تقولو كنا نروح نعزى فيهم او نروح الجنازه ههههههههههههههههه

عنيكي احلى مافيكي
(لما تلبسي نظارة الشمس)
-
شفايفك زي الفراولة
( بتاعت الصوبات )
-
تتجوزيني ياحبيبتي
( يارب تقول لا )

بجد مشكورة على الموضوع الجميل ده

هههههههههههههههههههههه

ايوة كده بانوا علي حقيقتكوا

السلام عليكم جزاك الله اخية موضوع غااااية في الروعة

ويا استاذ محمود البقاء لله يا عم علي العموم هي قالت مستنية رد البنات وكل اللي رد ...........؟؟؟؟؟؟؟

اخي احمد ليه تكون تحت امر اي بنت وتقول لو عايزة تضحكي نضحكك و....

اصلا حرااام ان بنت تمشي مع الولد او العكس طبعا متخليش نفسك رخيص بالظبط زي ما الولد مش بيحب يتزوج بنت لها ماضي ليه البنت ترتبط بولد له ماضي او علاقات ؟؟؟؟؟

والبنت اللي بتكون عارفة الكلام ده وتمشي مع البنين تستاهل اللي يجرالها

والله البنات الي عاوزه تسمع الكلام ده

وعارفين ان الشباب بيضحكو عليهم بس للاسف بيصدقو
كل الكلام الي بيقولو الشباب رغم انهم عارفين
والسؤال ليه هما بيصدقو كل حاجه كده ؟

السلام عليكم ورحمة الله وبركاته

مشكوررررررررررين أخي ميدو وأخي inish وأخي عادل وأخي محمود وأخي كوكي على مروركم الطيب

والبنات لسه عايشين لسه بخيرهم

وجزاك الله خير حبيبتي على كلامك الصحيح

والله فعلا الغريب إن فيه ناس مش فاهمة إن لما تمشي بنت مع ولد ده أكبر حرام

لكن البنات اللي مش محترمات أو عايشين في مجتمع يقلدوا فيه الغرب

أو بعيد عن ربنا هم دول البنات اللي يحبوا يمشوا مع الرجالة يسمعوا الكلام ده من الرجالة

وهم دول البنات اللي كنا بنحذر منهم والعكس صحيح

لو شاب متدين عمره ما هينظر ولو نظرة لبنت زي دي

ولو بنت محترمة عمرها ما هتفكر تتزوج واحد بيمشي مع البنات

كلنا محتاجين نقرب من ربنا أكثر

والسلام عليكم ورحمة الله وبركاته