محمد رسول الله
عزيزي الزائر / عزيزتي الزائرة يرجي التكرم بتسجيل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

محمد رسول الله

المنتدى منور بوجودك زائر
 
الرئيسيةالبوابةاليوميةس .و .جالتسجيلدخول


شاطر | 
 

 الفرق بين الواد البيئة والواد الفافى

اذهب الى الأسفل 
كاتب الموضوعرسالة
منونة
عضو جديد
عضو جديد


انثى
عدد الرسائل : 34
العمر : 23
البلد : مصر
العمل/الترفيه : طالبة
علم الدوله :
 دعاء :
المزاج :
الهوايه :
الجنسيه :
شيخك المفضل : محمد حسان
احترام قوانين المنتدى :
السٌّمعَة : 0
نقاط : 3335
تاريخ التسجيل : 15/03/2009

مُساهمةموضوع: الفرق بين الواد البيئة والواد الفافى   الإثنين مارس 16, 2009 1:53 pm


دى مقارنة بسيطة كدة ع الماشى
بين الواد الفافى والواد البيئة

الولد الفافى ....

الولد من دول يصحى على صوت الكناري اللي في اوضته ....
سو سو سو سو ....

يدخل الحمام ياخد شاور ... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....

بيتفرج على الام بي سي كتيييييير
يطلع من الحمام يلاقي الداده مستنياه بفوطه من حريييير .... وتلاعبه ... وتهزر معاه بالانجليزي


الداده معاها دكتوراه من جامعة اسفخص في لندن

يخش على اوضته ... ويفتح الدولاب ويطلع منه هدومه المكويه واللي
ريحة اريال باينه فيها .....
اريال .... نسيم الصباح


يجيب جزمته من الجزامه ... اللي مليانه جزم وكوتشيهات ...
وسبوووز ..... تقولش دخلت محل لطفي أو توكيل تمبرلاند


ينزل يفطر مع مامي ودادي ... والفطار كورن فليكس بطعم الستروبوري
او الشوكولات ... كورن فيليكس كلووقز .. مش بسكو مصر


يسلم على مامي ويبوسها بعد ماتكون حطتله الدينربوكس بتاعه وفيه ....
ساندوتشين تشكن ناجتس وكوردون بلو و كيس شيبسي و عصير جهينه
او ايزي موزوو
ايزي مووزو فاكرين الاعلان ده ؟؟؟


يسلم على دادي اللي يديله البوكيت موني بالدولار ..... مش يعرفو
حاجه اسمها جنيه طبعا جنيه ؟؟؟؟ دي عملة انكردت من زمااان


يطلع من البيت بعد الداده ماتلبسه الشنطه بتاعة الكتب على ضهره ..
بنشوف الشنطه دي مع الخواجات في شرم وبس


يركب الباس ( هما بيقولها كدة ) بتاع السكول .... ويشاور (باي باي) للداده ولمامي ....
ولا فالكون كريست
ويركب مع زمايله ويغنو بالانجليش او الفرينش .....
فريدرو جاكو .... فريدرو جاكو ... هايللبّووه



الطفل البييييئه :
دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا


طبعا .. مقضيها صرمحه في الشارع للفجر
العيال دي ماتعرفش اختراع اسمه غسيل الوش بعد ما تقوم من
النوم .... هم شوية خناق مع اخواته ويبقى صحصح على الآآآآآآآخر ...
بدل تمارين الصباح ... رياضه برضه
طبعا بعد الخناق ده بيبقى جعان ... تلاقيه بيحوم في الشقه ويدوّر
في المطبخ على اي حاجه ..... انشالله صرصار .. برضه هاياكله من الجوع
عشان كده ماتلاقيش في بيتهم صراصير

بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير البنطلون
بتاعه وهو نايم ...


هدومه كلها مكرمشه ... تقولوش طالعه من بق كلب
طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ...
افتكر
اخيرا انه حاطط فرده منهم فوق الدولاب .... والتانيه ... تحت التلاجه
طبعا ما يعرفش اختراع اسمه الشرابات
دلوقتي معاد حرب كل يوم .
ماما ... انا عايز مصروفي
مصروف ايه ياااااض ... انت مش واخد امبارح .. ولا كل يوم مصروف مصروف
يعني مافيش اي حاجه ؟؟؟
في دي .... دييييب ...
ضربة بالحله على نافوخه
الباشمهندس الصغير .... مايعرفش فين كتبه ولا كشاكيله اصلا ....
عشان
كده ... خد اي كتاب موجود في البيت على اي كشكول


مايعرفش يعني ايه قلم .... غير اللي بياخده على قفاااه
هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه ....
ليااااااااااااااقة

في طابور المدرسه
الطفل الفافي

العيال كلهم واقفين في صفوف شكلها يفرح .. ده غير ريحتهم اللي زي
الفل
نضافه رباااااااااني
الطابور كله تمارين ونشاط ....
على انغام الدي جي ياسر شاكر
الاذاعه المدرسيه .... اخبار من مجلات واشنطون بوست
وطبعا .... مافيش ترجمه

يغنو النشيد الوطني بقيادة المايستروسليم سحاب
حسن كامي ... كان بيغنيه معاهم قبل ما ربنا يفتح عليه طالعين فصولهم وكأنهم ملايكه أو فراشات ...
وبحماس ونظاااام

تقريبا ... والله أعلم ... بيحبو مدرستهم .... سبحان الله

الطفل البيئه :

داخل المدرسه متأخر وحالته نيله
اتشعبط في مكروباز كوم حنكش ... ومدرسته اصلا في حنتيرة المدق .. دى بعد الكونغو كدة بحبة
بعد التذنيب والشتيمه من مدرس الألعاب (حسن أبو شفه) ... انضم
لباقي زمايله في المعتقل ... سوري ... زمايله في المدرسه
ولا واحد منهم فاهم هو فين أصلا ... والكارثة انة اتضح ان صاحبنا أكتر واحد
شيييك فيهم

الأثاحه الملثيه ..... تحريف لكلمة الاذاعة المدرسيه
تخيلو انتو باقي الأخبار بقى عملة ازاى

النشيد الوطني اللي هم بيقولوه .... بتاع دوله مجهوله .. ونفسي
اعرف ايه هي؟؟؟

طبعا على موسيقا آلات النفخ .... الشيشه
في مرحلة طلوعهم الفصول .... بيختلط الحابل بالنابل
ياترى انا في فصل ايه النهارده ؟؟؟

بعد المدرسه ما تخلص ... بيرجعو على بيوتهم بنفس الاسلوب .... ونشوف
يومهم عامل ازاي دلوقتي

الطفل الفافي
يرجع من السكول تكون الداده في استقباله ... وتشيل منه الشنطه ...
ويغسل وشه ويغير هدومه والله العظيم ... وشه انضف من ما كان طالع الصبح أصلا
بعد ما اتشطف
يقعد
يلعب بلاي ستيشن لحاد ما يعملو الغدا
الغدا بتاعهم بنشوفه في الأفلام الأمركاني
هاني .. دينر از ريدي
السيييم بتاعهم لما يجهز الغدا

بعد الغدا ... يشرب كبايه (اورانج جووس) وينام ساعه عشان يعرف
يذاكر ويحل الهوم وورك
مش عارف يعني ايه هوم وورك ... بس سمعتها من بنت اختى


الطفل البييئه : ! !

أخينا رجع من المعتقل ... او المدرسه زي مابيقولو عليها ... وهدومه
كلها مقطعه وعلامات التعذيب على جسمه ...
تقولوش جاسوس اسرائيلي اتمسك في حلوان
امه لسه ماخلصتش الغدا ...
النهارده امه دابحه دكر جبنه بيضه ... واحتمال يكون في فول بالصلصه
ترااااادااتراااااااااا ...
دي اعلان الحرب ... أو الغدا ... هجوووووووم
بعد اكلة الفول بالصلصه ومعاه فحلين بصل ... عادة ما يعقبها احساس
بالضياع
تنااااااااحه ... فور آيفير
بعد حالة التناحه او النوم دي ... بيجي وقت الشده ... ياترى الحياه
معاهم - الطفل الفافي .. والطفل البييئه - عامله ازاي ؟؟؟؟

الطفل الفافي
يقوم من النوم على صوت الداده ... الهادي طبعا .. عشان يقوم يذاكر
مع المس فرانكا ... المدرّسه اللي جايبنهاله من انجلترا
نازله مخصوص ...... بالكاتالوج
بعد ما يخلص المذاكره وتحضير دروس تاني يوم .... مامته تاخده
النادي عشان يلعب رياضه (باسكت او تنس) و احتمال سكواش
مشتركين في نادي المعادي والصيد والشمس ... ده غير سبورتنج في الصيف
وعلى فكرة معاة كارنيات ريال مدريد والانترناسيونال
يرجع من النادي ... ياخد دش ويحضر شنطته وينزل يتفرج على شانل تو
شانل تو بتاعة الام بي سي ... مش بتاعة مصر طبعا

على الساعه 10 يقوم عشان ينام .... والداده تحكيله حكايه قبل النوم
سندريللا وسنوو وايت ... مش ابو رجل مسلوخه وامنا الغوله
ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
ملاك نايم يا اخواتي

الطفل البيييئه :
يفوق من حالة التناحه من الفول والبصل على صوت حد من صحابه ...
عشان ينزل يلعب كوره شراب في الخرابه اللي جنب الحاره بتاعتهم
نفس بدايات النبغة ابراهيم سعيد
يرجع بيتهم وهو بيجري وهدومه متقطعه ودماغه واخده بتاع تلاتين قلم
على سهوه .... عشان شاط الكوره وكسر القزاز بتاع محل (عم سيد) البقال
الراجل ده من كتر القزاز بتاعه ما اتكسر ... هايفتح مصنع قزاز
اخته جابته عشان يحل الواجب ويذاكر .. بس مامعاهوش قلم ... قام نزل
الشارع عشان يجيب قلم

آدي دقني لو جاب ولا حتى رجع من أصله
على الساعه 2 الفجر ... باب بيتهم بيخبط .. وامه فتحت الباب شافت
جارهم دماغه متعوره وجايب لها المحروس اللي كان بيلعب حرب بالطوب وفتح
دماغه
تقولش طفل من أطفال الانتفاضه

ساب امه وابوه وهم بيصالحو جارهم وبيبوسو ايده عشان ما يعملوش
محضر .... واتسحّب المفعوص على المطبخ جاب حتة جبنه وطماطمايه ورغيف
معطن .... وزوغان على السرير
بسلامته نايم وهو متلفح بالبطانيه زي مايكون من مطاريد الجبل

النهاية
الرجوع الى أعلى الصفحة اذهب الى الأسفل
http://WWW.MAKTOOB.COM
سمسم
عضو نشيط
عضو نشيط


ذكر
عدد الرسائل : 241
العمر : 27
البلد : الشرقيه
العمل/الترفيه : فاضى
علم الدوله :
 دعاء :
المزاج :
احترام قوانين المنتدى :
السٌّمعَة : 3
نقاط : 3739
تاريخ التسجيل : 20/05/2008

مُساهمةموضوع: رد: الفرق بين الواد البيئة والواد الفافى   الإثنين مارس 16, 2009 10:09 pm

ههههههههههههههههه


موضوع مضحك جدا
جزاكى الله خيرا
الرجوع الى أعلى الصفحة اذهب الى الأسفل
منونة
عضو جديد
عضو جديد


انثى
عدد الرسائل : 34
العمر : 23
البلد : مصر
العمل/الترفيه : طالبة
علم الدوله :
 دعاء :
المزاج :
الهوايه :
الجنسيه :
شيخك المفضل : محمد حسان
احترام قوانين المنتدى :
السٌّمعَة : 0
نقاط : 3335
تاريخ التسجيل : 15/03/2009

مُساهمةموضوع: رد: الفرق بين الواد البيئة والواد الفافى   الثلاثاء مارس 17, 2009 12:44 am

مشكووووووووور يا جميل على المرور
الرجوع الى أعلى الصفحة اذهب الى الأسفل
http://WWW.MAKTOOB.COM
الحاج محمد
مشرف عام
مشرف عام
avatar

ذكر
عدد الرسائل : 956
العمر : 32
البلد : الشرقيه
العمل/الترفيه : صاحب شركتين
علم الدوله :
 دعاء :
الهوايه :
الجنسيه :
احترام قوانين المنتدى :
السٌّمعَة : 0
نقاط : 3874
تاريخ التسجيل : 04/04/2008

مُساهمةموضوع: رد: الفرق بين الواد البيئة والواد الفافى   الثلاثاء مارس 17, 2009 7:16 pm

هههههههههههه

حلوه اوى

_________________
الرجوع الى أعلى الصفحة اذهب الى الأسفل
منونة
عضو جديد
عضو جديد


انثى
عدد الرسائل : 34
العمر : 23
البلد : مصر
العمل/الترفيه : طالبة
علم الدوله :
 دعاء :
المزاج :
الهوايه :
الجنسيه :
شيخك المفضل : محمد حسان
احترام قوانين المنتدى :
السٌّمعَة : 0
نقاط : 3335
تاريخ التسجيل : 15/03/2009

مُساهمةموضوع: رد: الفرق بين الواد البيئة والواد الفافى   الثلاثاء مارس 17, 2009 9:22 pm

مشكوووووووووور على المرور
الرجوع الى أعلى الصفحة اذهب الى الأسفل
http://WWW.MAKTOOB.COM
بسوم
مشرفه
مشرفه
avatar

انثى
عدد الرسائل : 547
العمر : 27
البلد : سوهاج
العمل/الترفيه : طالبه
 دعاء :
احترام قوانين المنتدى :
السٌّمعَة : 0
نقاط : 3635
تاريخ التسجيل : 21/06/2008

مُساهمةموضوع: رد: الفرق بين الواد البيئة والواد الفافى   الثلاثاء مارس 17, 2009 9:36 pm

مشكووووووووووووووووووووووووره

بجد موضوع جامد

_________________
بوسي كات
الرجوع الى أعلى الصفحة اذهب الى الأسفل
http://ellarasoulallah.wow3.info/profile.forum
منونة
عضو جديد
عضو جديد


انثى
عدد الرسائل : 34
العمر : 23
البلد : مصر
العمل/الترفيه : طالبة
علم الدوله :
 دعاء :
المزاج :
الهوايه :
الجنسيه :
شيخك المفضل : محمد حسان
احترام قوانين المنتدى :
السٌّمعَة : 0
نقاط : 3335
تاريخ التسجيل : 15/03/2009

مُساهمةموضوع: رد: الفرق بين الواد البيئة والواد الفافى   الثلاثاء مارس 17, 2009 9:55 pm

مشكووووووووووورة يا جميل على المرور
الرجوع الى أعلى الصفحة اذهب الى الأسفل
http://WWW.MAKTOOB.COM
 
الفرق بين الواد البيئة والواد الفافى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محمد رسول الله :: 
المنتديات الترفيهيه
 :: الساحه الترفيهيه
-
انتقل الى: