الولاد دول حاجه صعبة

الأولاد دول حاجة صعبة
حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي :


لو عاملتيه حلو يقولوك واقعة في هوايا
وان معبرتيهوش يقول عليكي مغرورة ومنا خيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو أنتي عمليّة شوية يقول عليكي فلاّحة

***********

لو اتناقشتي معاه هيقول عليكي عنيدة
ولو سكتّي هيقول عليكي مخك فاضي

لو أنتي أذكى منه هيدّيكي الوش الخشب
ويا سلام لو هوّ اذكي منك.. هتتفرّجي

لو مش بتحبيبه هيحاول يتملّكك
ولو أنتي بتحبيه وكنتي عبيطة وبينتي حبك ليه بسرعة هيحاول يسيبك

***********

لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه

لو حاولتي تنصحيه هيقول عليكي عايزة تتحكمي فيه
ولو هو أداكي أمر (قصدي نصيحة !!!) ده لأنه بيخاف عليكي

***********

لو حصل ووعدتيه بحاجة ومعملتيهاش هتبقي مش موضع ثقة
إما هوّ لو خلف وعده فده غصب عنه.. اضطر

لو أنتي حليتي حلو في الامتحانات يقولك ده حظ
إما هو لو حل حلو يقولك ذكـاء

لو جرحتيه تبقى قاسية ومعندكيش قلب
إما لو جرحك فيقولك أنتي حساسة أوي ومكبرة الموضوع وهوّ مايستاهلش؟؟

***********

لو قريتي الموضوع ده وبيعتيه لحد من الولاد هيقول مش صحيح
ولو قرتيه ومبعتيهوش هيقول انك أنانية

الأحسن انك تقريه وتبعتيه لولاد وبنات برضه عشان يقولوا رأيهم معانا

عشان أحنا طبعا ديمقراطيين واللي مش هيعجبوا هيقول بنات آخر زمن مش عاجبهم حد...





مليش دعوه منقول

هههههههههههههههههههه

فعلا بنات اخر زمن
جزاكى الله خيرا
موضوع مضحك جدا

مشكور محمود على مرورك بس الولاد هما اللى حاجه صعبه
ههههههههه

مشكوره ياسمر على مرورك

مشكوووره ياقمر على مرورك وطبعا كلام سمر صح اكيد ده واقع

مشكور صلاح على مرورك بس كل الولاد زى بعضها

maybe your opinion is correct ,but i dont think that

maybe your opinion is correct ,but i dont think that


هههههههههههههههههههههه بردوا انتى محدش ممكن يقنعك بحاجة ابداا الفى دماغك فى دماغك اوك

ههههههههههه
مشكوره سمر بس قولت اغير اللغه يمكن الولاد يقتنعوا